Rund 70 Schnitzelbank-Gruppen von sechs Schnitzelbank-Vereinigungen singen an der Basler Fasnacht am Montag- und Mittwochabend ihre Verse. Die Sujetpalette reicht vom Weltuntergang über Mörgeli und Kampfjet bis zur Schweizer Ski-Nati und
viel Lokalem.
Auch Topaktuelle Ereignisse, wie die Abgangsentschädigung von Novartis-Boss dürfen da nicht fehlen. Hier eine kleine Auswahl.
Schwoobekäfer
Dr Santiglaus isch mit dr Ruete zum Vasella ko. Dä het verzellt: Ych ha jo nur, was ych verdient ha, gno. Do sait dr Santiglaus: Was Du verdient hesch mit em Zogge, Das zell ych Dir scho ane, aber denn kasch nie meh hogge!
Die Haiggle
An dr Züürcher Uni duet sich dr Mörgeli bewäärbe. Är kennt die Uni guet und könnt logger Räggder wäärde. Näb de Stärggene kenni är und das isch ussergwöönlig vo däären Uni d Schwachstell persöönlig.
Stächpalme
D Frau Rickli het e schwere Kater, e Burn-Out - maint dr Psychiater. Si twitteret: bin im Spital, das Essen kann ich loben, doch schaffen bis ganz oben leider Gottes nüt als Schwoben.
Glettyse
Wenn Ski-Stars rasant dr Hang ab spuure, bruucht's zem d'Zyt z'bestimme hochpräziisi Uhre. Doch wenn d'Schwyzer Manne sich dr Hang ab zwänge, duet e Wand-Kaländer längschtens länge!
Dr Spitzbueb
E Schwoob, dä het am Schyylift dränglet. E Ziircher het em aini bänglet. Was wänn mir ys jetzt doo biklaage: E Schwyzer het uff Schyy ain gschlaage!
Doggter FMH
Si, in mim Wartzimmer sitze Patiänte, die sin traumatisiert, die hän ungschützt Lieder vo dr Vreni Schneider konsumiert. Däne het's allne, do chasch jede frooge, d Zeecheneegel wie Schiispitz uffe booge.
Wanderratte
Bi de ryyche Franzoose, das muesch gseh, isch Monopoly spiile lengscht passé. Statt Stroose kaufe Hotel baue, Statt sinnlos Spiilgäld go versaue, spiile sie jetzt mit grossem Gnuss, Sigg Sagg Sugg und di bisch Russ.
